Facebook-ում էմոցիոնալ մարքեթինգի օրինականեր(մաս 1)

Որպեսզի Facebook-ում կարողանաք այնպիսի գովազդ տեղադրել, որը  կգրավի օգտատերերի ուշադրությունը, այն պետք է հպվի մարդկանց զգացմունքներին։

1400 ընկերությունների ուսումնասիրությունը ցույց է տվել, որ էմոցիոնալ բովանդակությունը 2 անգամ ավելի արդյունավետ է, քան ռացիոնալը։

Trend Hunter Marketing-ն էլ, ուսումնասիրելով 55 էմոցիոնալ մարքեթինգային արշավներ, բացահայտել է, որ դրանց հայտնիության ընդհանուր ցուցանիշը հավասար է 8.0-ի, ինչը յուրաքանչյուր այլ կատեգորիայի ցուցանիշներից բարձր է։

Այդ իսկ պատճառով, խորհուրդ ենք տալիս օգտագործել ցանկացած էմոցիա՝ կլինի դա շոկ, տխրություն, հրճվանք, թե այլ զգացմունք։

Այս նյութը Ձեզ կսովորեցնի՝ ինչպես օգտագործել էմոցիոնալ մարքեթինգը Facebook-ի գովազդում, որպեսզի առաջ անցնեք Ձեր մրցակիցներից։

1․ Օգտագործեք FOMO-ի արվեստը

FOMO-ն շահույթը կորցնելու սինդրոմն է (Fear of missing out)․ օրինակ՝ երբ Դուք գնում եք որևէ միջոցառման, քանի որ վախենում եք որ մի հետաքրքիր բան բաց կթողնեք։

Հարցվողների 69%-ը նշել է, որ եթե իրենք չեն կարողանում գնալ մի միջոցառման, որին ներկա են իրենց ընկերները, ապա նրանց մոտ արթնանում է այդ FOMO-ի զգացմունքը։ Բայց սա չի նշանակում, որ FOMO-ն կապված է միայն որևէ միջոցառման հետ։ Դուք հեշտությամբ կարող եք այն օգտագործել գովազդում։

Օրինակ Sumo-ն Facebook-ում գովազդ է տեղադրել, որն օգտատերերին ստիպում է մտածել, որ բոլորն արդեն օգտագործում են այդ ծրագիրը, բացի իրենից։ Նշելով, որ մոտ 170 000 կայք արդեն օգտագործում է դա՝ Sumo-ն մարդկանց ներշնչում է, որ նրանք ինչ-որ բան են բաց թողել։ Եվ արդյունքում, օգտատերերի մոտ առաջանում է ապրանքի մասին ավելի շատ տեղեկություն ստանալու ցանկություն։

Ինչպե՞ս կարող եք FOMO-ն օգտագործել Facebook-ի գովազդում․

• նշեք, թե արդեն քանի մարդ է օգտագործում Ձեր ապրանքը,
• ակնարկեք այն փաստը, որ ընթերցողը մի հիանալի հնարավորություն է բաց թողնում,
• ստիպեք ընթերցողին մտածել, որ նա դեռ այդ հիանալի հասարակության անդամը չէ,
• ժամանակի առումով սահմանափակեք Ձեր առաջարկը, որպեսզի օգտատերերը ավելի արագ որոշում կայացնեն։

 

2․ Առաջացրեք հիացմունք․

Հիացմունքը բարձրացնում է մարդկանց իմպուլսիվությունը և դրդում նրանց ավելի արագ գործել։

Եթե Facebook-ում կարողանաք այնպիսի հրապարակում տեղադրել, որը կհիացնի մարդկանց, ապա կկարողանաք զգալիորեն մեծացնել հավանականությունը, որ օգտատերերը իմպուլսիվ գնումներ կկատարեն։ Չէ որ հիացմունքի կամ անհանգստության ժամանակ մարդիկ սկսում են իրենց լրիվ այլ կերպ պահել, և քանի որ էմոցիաներն էլ գլուխ են բարձրացնում, ապա նման օգտատերերին ինչ-որ բան վաճառելն ավելի հեշտ է։

Օրինակ Try The World-ի այս գովազդը հիացմունք է առաջացնում, քանի որ այստեղ առկա են վառ գույներ, բացականչության նշաններ և էներգետիկ ուղերձ։ Արդյունքում ցանկություն է առաջանում անմիջապես նման մի տուփ պատվիրել։

Բայց հաշվի առեք մի կարևոր հանգամանք ևս․ եթե Դուք օգտագործում եք հիացմունքի մարտավարությունը, ապա ուշադիր եղեք, որպեսզի այդ էմոցիաները չկորչեն մինչև ապրանքի գնման պահը։

Wall Street Journal-ի տվյալներով հիամունքը տևում է ընդամենը 20 րոպե, շատ դեպքերում նույնիսկ ավելի քիչ։ Այդ պատճառով Ձեր խնդիրն է էջը ստեղծել առավել հարմար և տեղեկությունով լի։

Ահա թե ինչպես կարող եք հիացմունք առաջացնող գովազդ ստեղծել․

• օգտագործեք վառ գույներ,
• եղեք հակիրճ և օգտագործեք բացականչության նշաններ,
• օգտագործեք հիացմունք առաջացնող կամ ցուցադրող նկարներ,
• ցույց տվեք Ձեր ապրանքի կյանքի ամենահետաքրքիր շրժանը,
• համոզվեք, որ Ձեր ապրանքը հետաքրքրում է տվյալ լսարանին,
• առաջարկեք զեղչեր, որպեսզի օգտատերերի մոտից վերջնականապես վերացնեք կասկածը։

 

3․ Արթնացրեք հետաքրքրություն

Կան վերնագրեր, որոնք չեն կարող մեզ անտարբեր թողնել, քանի որ դրանք հետաքրքրություն են առաջացնում։ Եվ իրոք, այս մարտավարությունը հրաշքներ է գործում։

Օրինակ Copy Hackers-ը դրա շնորհիվ կարողացավ իր քլիքերի քանակը ավելացնել 927%-ով։

Եվ իհարկե այս մարտավարությունը պետք է օգտագործել Facebook-ի գովազդում։

Օրինակ մարքեթոլոգներին դժվար թե անտարբեր թողնի  HubSpo-ի «Որքնով է արդյունավետ Ձեր SEO-ն» հարցը։

Իրականում հետաքրքրություն առաջացնելու մարտավարությունը շատ հեշտ է․ կարող եք հետաքրքիր մի հարց տալ կամ պատմել պատմություն՝ չբացահայտելով ամենահետաքրքիր պահը։

Օրինակ SurveyMonkey-ն օգտագործում է «Ցանկանում եք GoPro» վերնագիրը, որը մարդկանց մոտ ավելին իմանալու ցանկություն է առաջացնում։

Այս հնարքը աշխատում է, քանի որ մարդիկ միշտ էլ ցանկանում են ստանալ իրենց հարցերի պատասխանները․ դիմակայելն անհնար է։

 

4․ Երջանկացրեք մարդկանց

2010թ․-ի ուսումնասիրությունները ցույց են տվել, որ New York Times-ը ամենաշատը հրապարակել է էմոցիոնալ նյութեր։ Ընդ որում  դրական հրապարակումները ամենապահանջվածն էին։

Այս երևույթը առկա է նաև Facebook-ի գովազդում։ Ահա թե ինչպես կարող եք երջանկացնել Ձեր լսարանին․

• օգտագործեք վառ գույներ,
• տեղադրեք ժպտացող մարդկանց նկարներ,
• օգտագործեք բայերի, ածականների դրական իմաստները։

Օրինակ Eventbrite-ի գովազդները ոչ միայն դրական էմոցիաներ են արթնացնում, այլև կապում են համապատասխան ասոցիացիաները իրենց ապրանքանիշի հետ։

Մեկ այլ ուսումնասիրություն էլ, վերլուծելով մոտ միլիոն օնլայն արձագանքները, այնպիսի կայքերում, ինչպիսին է օրինակ TripAdvisor-ը, ցուց է տվել, որ ռեստորանները ստանում էին ավելի բարձր գնահատականեր լավ եղանակի ժամանակ, և հակառակը, ցածր՝ անձրևի դեպքում։

Ուստի եթե ցանկանում եք մարդկանց մոտ արթնացնել դրական էմոցիաներ նույնիսկ մռայլ օրերին, ապա օգտագործեք դրական դիզայն։

Այս մարտավարությունը հատկապես լավ է աշխատում B2C ապրանքանիշների համար։ Օրինակ ոգելիչ խմիչքի շատ ապրանքանիշներ իրենց  գովազդում պատկերում են երջանիկ մարդկանց լողափում կամ միջոցառման ժամանակ։  Corona-ի էջը դրա լավագույն օրինակն է։

 

5․ Սովորեք հաղթահարել բացասական էմոցիաները

Միշտ չէ որ վատ է Facebook-ի գովազդում բացասական էմոցիաների կիրառումը։ Հատկապես եթե Դուք նկարագրում եք որևէ վատ երևույթ, այնուհետև առաջարկում եք դրա լուծումը։ Այստեղ կարևորը չափը չանցնել։

Stanford GSB и Tel Aviv University-ի ուսումնասիրությունները ցույց են տալիս, որ փոքր քանակությամբ բացասական էմոցիաները կարող են մեծացնել ապրանքի կամ ծառայության նկատմամբ հիացմունքը։

Օրինակ Contently-ի գովազդի «Եթե կոնտետի ապագան բլոգը չէ, ապա ես ի՞նչ անեմ» վերնագիրը կարող է շատ մարքեթոլոգների անհանգստացնել։ Բայց ընթերցողների ուշադրությունը գրավելուց հետո ապրանքանիշը անմիջապես առաջարկում է լուծում՝  «Ավելի շատ տեսանյութ․ ավելի շատ բեռնվող կոնտենտ․ ավելի շատ ինֆոգրաֆիկա»։

The New York Times-ի վիրուսային բովանդակության մասին ուսումնասիրությունը ցուց է տվել, որ ամենից շատ բացասական էմոցիաներն են ազդում ճանաչվածության վրա։ Հատկապես ուժեղ է զայրույթի գործոնը։

Facebook-ի գովազդում բացասական էմոցիաների արդյունավետ օգտագործման համար պետք է

• հանրության ուշադրությունը գրավել բացասական վերնագրերի միջոցով,
• պատմել ապրանքի մասին առանց որևէ բան թաքցնելու,
• հիշեցնել մարդկանց բացասական երևույթների մասին, որոնց նրանք հանդիպում են ամեն օր։

 

6․ Ավելի լավ ապագայի հույս տվեք

Մենք բոլորս էլ ցանկանում ենք դառնալ ավելի գեղեցիկ, խելացի և երջանիկ։ Եվ հենց այդ պատճառով էլ մենք գնում ենք իրեր, որոնք մեր կյանքը դարձնում են ավելի լավը։

Ու չնայած շատերն են հասկանում, որ նյութական իրերը չեն կարող իրենց երջանիկ դարձնել, այնուամենայնիվ հույսը դեպի ավեի լավ ապագա միշտ մնում է։

Իր գովազդում Shopify-ին մարդկանց տալիս է հույս՝ օգտագործելով ոգևորիչ և հիանալի տեքստ․ «Սկսեք Ձեր ճանապարհորդությունը», «Ստացեք կյանքից ավելին»։

Facebook-ի գովազդի միջոցով հույս առաջացնելու համար

• օգտագործեք հիանալի տեքստ,
• առաջարկեք լուծում լավագույն ապագայի համար։

Asana-ն իր այս գովազդում խոստանում է թիմային աշխատանքի արդյունավետության զգալի առաջխաղացում։ Սա ընթերցողներին ստիպում է հավատալ, որ նրանք կարող են հասնել լավագույն արդյունքների։