6 կրեատիվ գաղափար կարուսել գովազդի համար

Ըստ Kinetic Social-ի տվյալների այսօր կարուսելով տեղադրված գովազդը 10 անգամ ավելի շատ արդյունք է տալիս, քան  Facebook-ի և Instagram-ի գովազդի այլ տեսակաները։

Այս տեսակի գովազդը հնարավորություն է տալիս 1 հրապարակման մեջ մինչև 10 նկար տեղադրել՝  ընդորում ամեն նկար կարող է ունենալ իր հղումը։

Մի կարևոր հանգամանք ևս․ Facebook-ում կարուսել գովազդի դեպքում ամեն կոնվերսիայի արժեքը  30-50% -ով, իսկ սեղմումների արժեքը 20-30%-ով ավելի քիչ է, քան մի նկարով գովազդինը։

Եվ այսպես․ եթե ցանկանում եք ստեղծել Ձեր կարուսել գովազդը, ապա հայտնի ապրանքանիշների այս 6 կրեատիվ օրինակաները կօգնեն Ձեզ։

1․ Airbnb

Airbnb -ը օգտագործեց Instagram-ում իրենց սլայդով հրապարակումներից մեկը և դարձրեց այն կրեատիվ կարուսել գովազդ՝ առաջարկելով նոր փորձ։

A post shared by Airbnb (@airbnb) on Apr 6, 2017 at 10:26am PDT

Հրապարակումն իրենից ներկայացնում է նավակի նկարի հիանալի պանորամա, որը բաժանված է 3 մասի։ Պատկերը լրացնում է տեքստը, որտեղ խոսվում է մի յուրօրինակ տարբերակի մասին, որ առաջարկում են հյուրընկալ տերերը։

Airbnb-ի օրինակին հետևելով կարող եք Դուք էլ Ձեր գովազդը ստեղծել՝ օգտագործելով պանորամա։ Այն հատկապես օգտակար կլինի, եթե Դուք ցանկանում եք՝

• ցույց տալ նոր գրասենյակը,
• պատմել իրադարձության մասին,
• ցուցադրել ապրանքները,
• կիսվել առօրյա կյանքում Ձեր ապրանքի կիրառման նկարով։

 

2․ Tanishq

Tanishq -ը Հնդկաստանում խոշոր ոսկերչական ապրանքանիշ է, որը օգտագործում է կարուսել գովազդը, որպեսզի Facebook-ում ստեղծեն ավելի մեծ լսարան և մեծացնեն վաճառքը։

Այս ապրանքանիշը օգտագործեց զարդերի լավագույն նկարները և առաջարկեց մարդկանց հատուկ զեղչեր կարուսել գովազդի միջոցով։ Նա նաև ավելացրեց «Գնել հիմա» կոճակը, որպեսզի մարդկանց դրդեն անմիջապես անցնել գործողության։ Արդյունքում այս գովազդային արշավի շնորհիվ վաճառքները ավելացան 30%-ով, իսկ գովազդի եկամտաբերությունը մեծացավ 3 անգամ։

Դուք նույնպես կարող եք դրդել օգտատերերին կատարել գնումներ, եթե

• հետևեք Facebook-ի խորհուրդներին և օգտագործեք 1800/1800 պիկսելով լուսանկարներ,
• օգտագործեք ապրանքի լուսանկարը՝ օգտատերերին հետաքրքրելու համար,
• տեղադրեք նկար առօրյա կյանքից՝ օգտատերերին վստահությունը շահելու համար,
• պահպանեք միանման ոճը և թեման յուրաքանչյուր կարուսելի համար,
• ցուցադրեք Ձեր ապրանքանիշի յուրօրինակությունը։

 

3․ Wondermall

Wondermall -ը բջջային ծրագիր է, որը օգտատերերին տալիս է մուտք դեպի ավելի քան 100 խանութներ և միլիոն ապրանքներ։ Եվ քանի որ Wondermall-ի հիմնական ուղղությունը նորաձևությունն է, այն կարուսել գովազդներ է տեղադրում Instagram-ում։

Գովազդային արշավի թիրախային խումբը հիմնված է եղել 18-44 տարեկան ամերիկուհիներից, ովքեր հետաքրքրվում են ամառային հագուստով և աքսեսուարներով։ Իսկ նպատակ եղել է ծրագրի բեռնումների ավելացումը, որի հիամար օգտագործվել էր այնպիսի կոճակներ, ինչպիսիք են «Գնել» կամ «Բեռնել ծրագիրը»։

 

Արդյունքում 9 շաբաթվա ընթացքում 36%-ով աճեց կոնվերսիաները, 28%-ով մեծացավ զաբյուղ ավելացրած ապրանքների քանակը և ավարտված գնումների քանակը ավելացավ 8,5% -ով։

Եվ ստացվում է, որ լավ արդյուքնի հասնելու համար պետք է ճիշտ թիրախավորում կատարել, ինչը կարող եք անել օգտագործելով հետևյալ չափանիշները՝

• տարածաշրջանը,
• տարիքը,
• սեռը,
• հետաքրքրությունները (հավանած էջերը),
• վարքը (նախորդ գնումները, օգտագործվող սարքերը),
• կապը (հավանում է Ձեր էջը, ծրագիրը, իրադարձությունը)

 

4․ Fido

Fido-ն կանադական բջջային կապերի մատակարար է, որը նոր ծառայության առաջխաղացման համար ստեղծեց #GetCurious կարուսել գովազդ Instagram-ում։

Օգտագործելով հատուկ հեշթեգ՝ ընկերությունը կարողացավ հեշտությամբ հետևել օգտատերերի ներգրավվածությունը և ընդլայնել բովանդակությունը։

 

Արդյունքում ապրանքանիշը կարողացավ գրավել 2 միլիոն օգտատերերի ուշադրություն, 21 կետով ավելացնել ապրանքանիշի ճանաչելիությունը և 19 կետով էլ գովազդի հիշելիությունը։

Դուք նույնպես կարող եք օգտագործել հեշթեգներ, որպեսզի

• հավաքեք օգտատերերի կոնտենտը,
• ստեղծեք գովազդ օգտատերերի հատուկ խմբի համար,
• պատմեք ապրանքանիշի պատմությունը՝ օգտագործելով օգտատերերի լուսանկարները,
• ստանաք գրավիչ վիզուալ էֆֆեկտ` խմբավորելով նկարները ըստ գույների

 

5. Kit and Ace

Հագուստի ապրանքանիշ  Kit and Ace-ը օգտագործեց կարուսել գովազդը իր նոր տաբատների ցուցադրության համար: Գովազդում տաբատները պատկերված էին տարբեր կողմերից` ցույց տալով ամեն մոդելի յուրահատկությունը:

Որքան շատ տեղեկություն Դուք տաք, այնքան մեծ է հավանականությունը, որ օգտատերերը կցանկանան սեխմել գովազդի վրա: Իսկ առօրյա կյանքից տեղադրված լուսանկարը նրանց հնարավորություն կտա պատկերացնել, թե ինչպես տվյալ հագուստը տեղ կգտնի իրենց կյանքում:

 

6. Target

Target-ը օգտագործեց կարուսել գովազդը Marimekko հավաքածուի առաջխաղացման համար: Ամեն կադրում մի սենյակ է պատկերված, որտեղ մոդելը ներկայանում է տարբեր հագուստներով: Այսպիսի նկարները օգտատերերին հնարավորություն են տալիս իրենց պատկերացնել այդ մոդելների դերում` տվյալ հագուստով:

 

Կարուսել գովազդ ստեղծելիս օգտագործեք տարբեր կրեատիվ հնարքներ, որպեսզի բարձրացնեք գովազդի արդյունավետությունը:

Օգտագործե’ք կարուսել գովազդը Ձեր բիզնեսի առաջխաղացման համար և կիսվե’ք մեզ հետ Ձեր փորձով: