Առաջխաղացումը Instagram-ում

Այն մասին, որ Instagram-ն այսօր սոց․ ցանցերի առաջատարներից մեկն է համարվում, բազմիցս խոսվել է և դրա մասին է վկայում այն, որ Instagram-ի օգտատերերի թիվն անցել է 700 միլիոնը:

Գեղեցիկ լուսանկար կամ հետաքրքիր տեսանյութ, հեշթեգների ճիշտ օգտագործում և Դուք կգտնեք Ձեր լսարանը: Հենց սա է պատճառը, որ օր օրի ավելի ու ավելի շատ բրենդեր են Instagram-ն օգտագործում որպես առաջխաղացման հարթակ և համոզվում, որ հաճախորդներին գրավելու համար այն հիանալի և արդյունավետ միջոց է:

Եվ եթե ցանկանում եք պարզել, թե առաջխաղացման ժամանակ ինչի վրա պետք է կենտրոնանաք և ինչին ուշադրություն դարձնել, ապա հետաքրքիր և օգտակար փաստերով լի մեր այս նյութը կօգնի Ձեզ:

1. Հեղինակային հեշթեգներ

Այսօր հնարավոր չէ պատկերացնել smm-ն առանց հեշթեգների: Դրանք ոչ միայն օգնում են դասակարգված կոնտենտ ունենալ, այլև մարքեթինգային արշավների շարժիչ ուժն են համարվում:

Բացի այդ, Instagram-ում հեշթեգներով հրապարակումները 12,6%-ով ավելի շատ ներգրավվածություն են ունենում: Եվ չնայած ամեն հրապարակման համար կարող եք օգտագործել մինչև 30 հեշթեգ, մասնագետները խորհուրդ են տալիս սահմանափակվել 11-ով:

Առաջխաղացման, ինչպես նաև էֆֆեկտիվ կոնտենտ ունենալու  լավագույն տարբերակը սեփական հեշթեգի կիրառումն է, որն իրականում նաև բավականին տարածված է. Instagram-ում ամեն 10 հեշթեգից 7-ը պատկանում է որևէ բրենդի:

Օրինակ մենք հրապարակումներ անելիս օգտագործում ենք մեր հեղինակային հեշթեգը՝ #Smartology-ին:

2. Բիզնես էջերի աճը

Խոսելով Instagram-ի մասին չենք կարող չնշել դրա դինամիկ աճի մասին: Օրիանակ eMarketer-ի տվյալներով եթե ԱՄՆ-ում 2016-ին բրենդերի միայն 48,8% էին օգտագործում այս հարթակը, ապա այսօր այդ թիվն աճել է՝ հասելով 70,7%-ի:

Այսօր բիզնես էջերի թիվը Instagram-ում հասնում է 8 միլիոնի, որոնց աճին է նպաստում  նոր և օգտակար ֆունկցիաների,  գովազդային զանազան գործիքների, ինչպես նաև կոնտակտային տվյալների բաժնի ավելացումը:

3. Բիզնես էջերի լայն տարածումը

Եվ այսպես, բիզնես էջի գլխավոր առավելությունն այն է, որ այստեղ կարող եք ավելացնել այնպիսի տվյալներ ինչպիսիք են հեռախոսի համարը կամ էլ․ փոստի հասցեն և ակտիվացնել CTA կոճակները։ Իսկ սովորական էջից անցումը բիզնես էջի այնքան էլ բարդ գործընթաց չէ, պարզապես ընկերությունը պետք է ունենա Facebook-յան էջ։

Բիզնես էջերն այնքան տարածում են գտել, որ այսօր Instagram-ի օգտատերերի 80%-ը հետևում են գոնե մեկ բիզնես էջի, իսկ 60%-ն էլ այդ հարթակի միջոցով են իմանում որևէ ապրանքի կամ ծառայության մասին։ Հատկանշական է այն հանգամանքը, որ օգտատերերի նվազագույնը 30%-ը գնում են այն ապրանքը, որը տեսնում են այդտեղ։

Համաձայնեք, որ վատ ցուցանիշներ չեն։ Դեռ ավելին 2017-ի մարտի դրությամբ մոտ 120 մլն․ օգտատեր Instagram-ի միջոցով այցելել է բրենդի կայք, զանգահարել կամ նամակ է գրել։ Եվ հենց այս քայլերով էլ կարող եք ենթադրել, որ օգտատերերը հետաքրքրված են և դիտարկենք նրանց որպես պոտենցիալ հաճախորդ։

4. Instagram գովազդից ստացված եկամուտը

2017-ի մարտի տվյալներով Instagram-ում գովազդ տեղադրող օգտատերերի թիը կազմում է մոտ 1 մլն։ Ուշադրություն դարձրեք այն հանգամանքին, որ բիզնես էջերի ի հայտ գալուց հետո մոտ մեկ տարվա մեջ այդ օգտատերերի թիվը ավելացել է 800 հազարով։

Նույնիսկ eMarketer -ը դեռևս 2015-ին արված իր հետազոտություններից հետո նշել էր, որ Instagram-ի 2017-ի գովազդից ստացված եկամուտը կարող է լինել մոտ 2,81 մլրդ դոլլար, որը Facebook-ի ընդհանուր եկամտի 10%-ն է կազմում։ Բացի այդ, կանպատեսվում է, որ Instagram-ը  գովազդից ավելի շատ մաքուր շահույթ կստանա, քան օրինակ Google-ը կամ Twitter-ը։

Եվ ուշադրություն․ կարծես թե Instagram-ն արդեն անցել է կանխատեսված ցուցանիշների սահմանը։ Ըստ ընկերության տրված գնահատականի 2017-ի վերջին գովազդից ստացված եկամուտը կկազմի 4 մլրդ դոլլար։

5. Վիդեոգովազդ Instagram-ում

Իսկ գովազդային արշավների ժամանակ վիդեոներ օգտագործում ե՞ք։ Եթե ոչ, ապա իզուր․ այսօր դրանք բավականին տարածված են և կազմում են գովազդային հրապարակումների 25%-ը։

Ձեր տեսանյութը կարող է տևել 60 վայրկյան, կամ ավելի շատ, բայց ըստ Wista-ի տվյալների որքան երկար է տեսանյութը այնքան ընկնում է դրա ներգրավվածությունը։ Ձեր խնդիրն է գրավել լսարանին առաջին 30 վայրկյանի ընթացքում, որպեսզի նրանց մոտ ցանկություն առաջանա դիտել տեսանյութը մինչև վերջ։

Եվ հիշեք, եթե ցանկանում եք որևէ տեղեկություն տալ օգտատերերին, ապա չմոռանաք սուբտիտրների մասին։ Facebook-ում տեսանյութերի 85% դիտում են առանց ձայն։ Նույնը կարելի է ասել նաև Instagram-ի մասին։

Վիդեոգովազդը լայն կիրառում ունի այնպիսի բրենդերի մոտ, ինչպիսիք են Lululemon-ը, Ford-ը, MTV-ին և  Disney-ը։ Բերենք Lululemon-ի օրինակը․ տեսանյութի տարածումից մի շաբաթ հետո այն 2 անգամ ավելի շատ ներգրավվածություն ապահովեց, քան լուսանկարը։

Այնպես որ, Ձեր գովազդային արշավը կազմակերպելիս հաշվի առեք այս փաստերը և օգտագործեք վիդեոգովազդը առավելագույն արդյունքի հասնելու համար։

Բայց հիշեք, որ Ձեր տեսանյութերը պետք է ինչ-որ բանով տարբերվեն համացանցում տարածված բազմաթիվ այլ տեսանյութերից։

6. Instagram Story-ները մարքեթինգում

Չնայած նրան որ Instagram story-ները մոտ մեկ տարի է ինչ հայտնվել է մեր կյանքում, բայց այն արդեն հասցրել է ակտիվ օգտատերերի քանակով անցնել Snapchat -ից և դառնալ ամենակիրառելի և տարածված գործիքներից մեկը։

Պատկերացնում եք օրական մոտ  250 մլն մարդ օգտվում է Instagram Stories-ից։ Սա հսկայական ցուցանիշ է, որն էլ մարքեթոլոգներին դրդում է ավելի հաճախ օգտագործել story-ները։ Այդ մասին արդեն խոսել ենք և ներկայացրել օրինակներ մեր այս նյութում։

Իսկ այս հարթակում գովազդային արշավների արդյունավետության մասին փաստում են մի շարք խոշոր ընկերություններ։ Հայտարարություններ մեջ կարող եք տեղադրել ֆոտո կամ վիդեո, որը կհայտնվի օգտատերերի story-ների միջև։ Օրինակ AirBnB-ը արդեն իսկ փորձարկել է դրա արդյունավետությունը, և ըստ իր տվյալների գովազդի արձագանքը 2 անգամ ավելի շատ էր։

7. Գեոթեգեր և ներգրավվածություն

Միայն չասեք, որ չեք օգտագործում գեոթեգերի հնարավորությունը։ Հրապարակումները, որտեղ կոնկրետ նշված է վայրը ունեն 79%-ով ավելի բարձր ներգրավվածություն։

Առաջխաղացման ռազմավարությունը մշակելիս չմոռանաք այս անվճար, բայց արդյունավետ գործիքի մասին։ Սա ևս մի հիանալի հնարավորություն է ապահովել ներգրավվածություն և գրավել օգտատերերի ուշադրությունը։

8. Չափից շատ ինֆորմացիա

Բացի այն որ Instagram-ը մյուս սոց․ ցանցերի համեմատ լսարանի հետ փոխազդեցության ամենաբարձր ցուցանիշներն ունի, այն նաև գերծանրաբեռնված է հրապարակումներով։

Պատկերացնում եք օրական մոտ 95 մլն նկար է հայտնվում ցանցում։ Եվ նոր ալգորիթմի շնորհիվ կոնտենտի միայն 70%  է ցուցադրվում էջի պատին։ Այն ցուցադրում է հրապարակումներ ելնելով նախկին ներգրավվածությունից և օգտատերերի վարքագծից։

Կարող եք առավելագույնս օգտագործել Instagram-ի գործիքները, հաճախակի story-ներ և live-եր, որոնք կապահովեն օգտատերերի հետ փոխազդեցությունը։ Ինչպես նաև նշեք նկարի վայրը, ունեցեք հատուկ հեշթեգ, որոնք կօգնեն օգտատերերին այդ ահռելի ինֆորմացիայից գտնել Ձեր հրապարակումը։