Instagram-ն իր պաշտոնական բլոգում հայտարարել է մի շարք փոփոխությունների մասին․

Հատկապես խոսվում է feed-ի և նոր կոճակի փորձարկումների մասին, որն էլ հնարավորություն կտա կառավարել feed-ի հրապարակումների ցուցադրությունը։

Եթե ավելի մանրամասն, ապա․․․

Նոր կոճակի միջոցով Դուք եք որոշելու, թե երբ թարմացվի feed-ը։ Այսինքն՝ այսուհետ Instagram-ը բացելիս Ձեր feed-ում այլևս չի հանդիպի ալգորիթմի կողմից ընտրված վերջին հրապարակումները։ Դա տեղի կունենա միայն այս նոր կոճակը սեղմելուց հետո։
Այսուհետ ալգորիթմը մեծ տեղ կտա «թարմ» հրապարակումներին, իսկ 2-3 օրվա հրապարակումները ավելի քիչ կհանդիպեն, քանի որ ըստ համակարգի դրանք կորցրած կլինեն իրենց ակտուալությունը։

Բացի այդ, Instagram-ը էջերի նկարագրության բաժնում նոր ֆունկցիա է ավելացրել, որը հնարավորություն է տալիս ավելացնել հեշթեգների և այլ էջերի ակտիվ հղումներ։

Հեշթեգները կարող եք ավելացնել ուղղակի գրելով սկզբում # , իսկ այլ էջերին էլ նշել՝ @-ով։