10 հմտություն, որոնք կօգնեն գոյատևել ավտոմատացման դարաշրջանում

Վերջերս Համաշխարհային տնտեսական ֆորումը (WEF) հանդես եկավ հետաքրքրիր մի հրապարակմամբ, որտեղ նշվում են այն 10 հմտությունները,  որոնք կօգնեն գոյատևել ավտոմատացման աճի պայմաններում ։

Ավտոմատացումը մուտք գործելով աշխատաշուկա, կհանգեցնի նրան, որ կվերանան միլիոնավոր աշխատատեղեր, բայց միաժամանակ կստեղծվեն նորերը։

Բոլորին հետաքրքրում է մեկ գլոբալ հարց՝ ինչպիսի՞ հմտություններ են հարկավոր սպասվելիք արտադրական 4-րդ հեղափոխությունից հետո. ինչպե՞ս կարող է մարդը արժեք ներկայացնել զարգացող ավտոմատացման աշխարհում, երբ մարդու համար արդեն սովորական դարձած ոլորտներին և նորմերին փոխարինման են գալիս այնպիսի արժեքներ, ինչպիսիք են՝

• արհեստական ինտելեկտ
• ինտերնետ
• ինքնակառավարվող մեքենաներ
• տեխնոլոգիական նոր մոտեցումներ
• վերականգնվող էներգետիկա
•  քվանտային հաշվարկ
•  բիոտեխնոլոգիաներ

Շատերը կարծում են, որ արհեստական ինտելեկտը կարող է ավելի շատ հանգամանքներ հաշվի առնել, քան մարդը, և այդպիսով գտնի բարդ խնդիրների ավելի կոնկրետ, տրամաբանական և անգամ ավելի կրեատիվ լուծումներ: Օրինակ, Օքսֆորդի համալսարանում ենթադրություն է հնչում, որ արհեստական ինտելեկտը ոչ հեռավոր ապագայում կարող է լրագրողների տեղը զբաղեցնել ու նրանց փոխարեն անգամ հոդվածներ գրել:

                                                                   

     Բայց  Գյուտրի Ջենսենը  ամփոփում է 2020 թ-ին անհրաժեշտ այն հմտությունները, որոնք կօգնեն աշխատանքի փոփոխական ոլորտում և կարևորում է  Մարդկային գործոնը:

Կարճ ասած, նրանք, ովքեր ուզում են տեղավորվել ու ամրապնդել իրենց դիրքերը ավտոմատացման դարաշրջանում, և դեռ ենթադրում են իրենց համար կարիերային աճ, պետք է հմտանան այն ոլորտներում, որտեղ մեքանաների զարգացումն անհնար է և դա էլ հենց կլինի նրանց հաջողության գրավականը։

Որոնք են 2020 թ-ին անձնական աճին անհրաժեշտ 10 հմտություններ

1  Համաժամանակյա կառավարում

Ճիշտ է , որ արհեստական ինտելեկտը  կարող է լուծել այնպիսի խնդիրներ, որոնք մարդիկ չեն կարող, բայց ճիշտ է նաև  հակառակը։ Օրինակ, երբ խնդրի լուծումը պահանջում է տարբեր ոլորտների իմացություն, կամ երբ խնդիրները ամբողջովին սահմանված չեն, այդ ժամանակ մարդը կարող է այլընտրանքային լուծում գտնել։

2 Քննադատական և վերլուծական մտածողություն

Չնայած մեքենայի վերլուծական մտածողությունը զարգանում է, սակայն, մարդը որոշ ոլորտներում ավելի լավ է տիրապետում այդ ունակությանը։ Օրինակ, դատապաշտպանը կարող է գտնել մեղադրող կողմի փաստարկների թույլ կողմը, իսկ գովազդի մասնագետը ճիշտ թիրախավորի սպառողներին։

3 Ստեղծարարություն (Creativity)

Ստեղծարարությունը պահանջում է ինտուիտիվ անկանոնություն, մտքի ոչ ստանդարտ մի աստիճան, որը դեռ չի կարող կրկնօրինակվել արհեստական ինտելեկտի կողմից։ Օրինակ, ինչո՞ւ ճարտարապետը շենքը նախագծեց հենց այս ձևով, և կամ ինչո՞ւ երաժշտի միտքը թռիչք արեց հենց այն ձևով։

4 Մարդկային ռեսուրսների կառավարում

Մեքենան  հնարավոր է ձեռք բերի մաթեմատիկական և վերլուծական հմտություններ, սակայն, չի կարող փոխարինել մարդկանց՝ ղեկավար և ադմինիստրատիվ դերերում։ Դրանք պահանջում են մարդկային մոտեցում։

5 Համակարգային կառավարում

Արդյունավետ հաղորդակցության և թիմային համագործակցության հմտություններ, որը ենթադրում է երկու ավտոնոմ համակարգերի համաժամանակյա սինխրոնիզացում` կառավարման մակարդակներում:

6 Էմոցիոնալ ինտելեկտ

Ապագայում հաշվի կառնվի Էմոցիոնալ ինտելեկտը։ Սա թույլ է տալիս ճանաչել, կարեկցել, կառավարել դիմացինի և սեփական զգացմունքները, պատկերացնել շրջապատի պահանջներն ու մոտիվացիան: Սրա շնորհիվ հնարավոր է  իրականացնել արդյունավետ կառավարում:

7 Որոշումներ կայացնելու վճռականություն

Լայնածավալ տվյալների հավաքագրումը կպահանջի վճռական որոշումներ կայացնելու ունակության զարգացում: Մեքենան որոշումների կայացման համար հիմք է վերցնում արդեն ունեցած տվյալների բազան, մարդը` նաև ապագայի նկատմամաբ վստահությունը:

8 Սպասարկում

Պահանջված կլինեն մարդիկ, որոնք հասարակությանը կարող են առաջարկել արժեքավոր լուծումներ սպասարկման ոլորտում, հասկանալ նրանց պահանջմունքներն ու ցանկությունները:

9 Բանակցություններ վարելու հմտություն

Ապագայում ավելի կպահանջվեն բանակցելու հմտություններ ունեցող մարդիկ, ովքեր ի վիճակի կլինեն փոխշահավետ բանակցել անհատների և կազմակերպությունների միջև:

10 Գիտակցական ճկունություն

Հաջողակ լինելու համար կարևոր կլինի ունենալ գոյացած խնդրի հանդեպ տարբեր մոտեցումներ դրսևորելու հմտություն, խնդիրները բազմակողմանի տեսակետներից դիտարկելու կամք:

Ի՞նչ է ստացվում։ Պետք չէ՛ տրվել արհեստական ինտելեկտի շուրջը պտտվող առասպելներին ու վախենալ ապագայի մեքենաների մեջ մարդկային արժեքը կորցնելուց։ Մարդկային ինտելեկտն անսպառ ու անկանխատեսելի է, այն պետք է միայն զարգացնել և գտնել յուրաքանչյուրի համար համապատասխան ոլորտը։

https://www.youtube.com/watch?v=TfZYo3EVyuY